Pag-ibig ng Isang Ina

Blog # 3.

Pag-ibig ng Isang Ina

 Ilaw nitong tahanan kung siya’y ating itinuturing

 Gabay at pumapatnubay sa kanyang mga supling

Masipag, matiyaga at siya’y maunawain

Mabuting may bahay, tapat at mapagmahal man din

Nag-aruga, nagpalaki sa anak na talusaling

Pasakit at hinanakit araw-araw yaring daing

Sa anak na minamahal respeto ay tanging hiling

Kaylupit na wari  bingi’y ‘di marinig itong hiling.

Bakit nga ba kabataan ay kayhirap intindihin?

At ang ina’y kontrabida na lagi sa paningin.

Natitiis kahit pa ilang araw na ‘di pansinin,

Kung kausap mas mataas pa ang boses kung sagutin.

Oh! Kayhirap maging ina tila baga susuko na,

Kapakanan nitong anak ang palaging inuuna,

Sa gabi ‘di mkatulog at balisa sa tuwi-tuwina,

Mabigat man sa loob ay ‘di parin alintana.

Napupuyat kung pa-uwi ay di niya naaalala,

Bagabag ang kalooban puno ng luha ang mata.

Paggising mo sa umaga sa pintuan bubungad siya,

Isang kataga ma’y walang mahintay na bigkasin niya.

Oh! Kayhirap, oh! Kayhirap ngang tunay na maging ina,

Tila baga ang mundo mo’y walang kulay walang sigla.

 Paninikip nitong dibdib ay palaging nadarama,

Tuloy pa din sa paglaban huwag mawalan ng pag-asa.

Isang  araw ay diringgin panalangin sa lumikha,

Babalik ‘din pamamahal at ang respeto ng kusa.

Sa panahong ganap na ngang alinlangan nila’y mawala,

At matanggap sa sarili’y Ina pala’y kinawawa.

Dahil dito napagtanto nagawang pagkakamali,

Nang anak na palalo at tunay na mapaghili.

Kontrabida sa paningin pagmamahqal ay walang maliw,

Patawad ‘di ipagkakait sa anak na ginigiliw.

blinself_adet_